10-herë kampionët e Tahitit, AS Venus, ka bërë rreth 20 mijë milje udhëtim për një ndeshje në kuadër të Kupës së Francës e cila u luajt të shtunën, ku iu desh të ndërmirrnin një udhëtim rraskapitës për të arritur në shtëpi.

E veçanta e gjithë kësaj është se humbën me rezultat 2-0.

Skuadra nga Polinezia franceze – një grup ishujsh në Oqeanin Paqësor – ka pasur sukses në vend kohët e fundit dhe kjo do të thotë se ata u kualifikuan për Kupën e Francës, e cila përfshinë skuadra nga një sërë territoresh të huaja në Francë.

Në vitin 2020, JS Saint-Pierroise, një skuadër nga ishulli Reunion i Oqeanit Indian, bëri bujë kur arriti në raundin e 32-të të një kompeticioni në të cilin shumica e klubeve vijnë nga kontinenti, rreth 6000 milje larg.

Por, ky “rekord” morri fund, pasi AS Venus udhëtoi 10 mijë milje për t’u përballur me Trelissac, skuadër franceze e nivelit të katërt.

Para ndeshjes, trajneri i Venusit, Samuel Garcia i tha Konfederatës së Futbollit të Oqeanisë së ekipi i tij ishte “i lumtur që ishte në Francë”.

Fitorja do të kishte siguruar një barazim në shtëpi në raundin e tetë, por eleminimi i tyre do të thotë se ata tani do të duhet të kthehen në çështjet e brendshme dhe të përpiqen të mbrojnë titullin e tyre në “Coupe de Polynesie”, e cila u dha aty një vend në garën për “Kupën e Francës”./Arbresh.info